Ötən gün tanınmış xanəndə Züleyxa Rəhimi vəfat edib.
NOCOMMENT.az baku.ws-ə istinadən bildirir ki, o, yaşadığı Kürdəxanı kəndində evində ölü tapılıb.
“Elgizlə izlə” verilişinin çəkiliş komandası sənətçinin evinə yollanıb. Xanəndənin qonşuları və nəvəsi onun vəfatı ilə bağlı danışıb.
Nəvəsi bildirib ki, Züleyxa Rəhimi qara ciyər xərçəngindən əziyyət çəkib. Bütün təkidlərə baxmayaraq o nəvələrinin onun müalicə etdirməsinə imkan verməyib.
Çəkiliş zamanı xanəndənin yaşadığı evin görüntüləri də nümayiş olunub. O ömrünün sonillərini baxımsız və pis şəraitdə olan evdə keçirib. Nəvəsi mənzili çəkməyə icazə verməyib. O bildirib ki, ev pis gündədir və təmir işi gedir.
