“Respublika Diaqnostika Mərkəzi” ASC-nin direktoru Oqtay Şirəliyev səhiyyə nazirinin sabiq müavininə vəzifə verib.
NOCOMMENT.az xəbər verir ki, “qaynarinfo”nun əldə etdiyi məlumata görə, Oqtay Şirəliyevin müvafiq əmri ilə Viktor Qasımov “Respublika Diaqnostika Mərkəzi” ASC-nin ümumi şöbəsinin müdiri və direktorun köməkçisi təyin edilib.
Viktor Qasımov saytımıza açıqlamasında xəbəri təsdiqləyib:
“Təqaüddəyəm. Həm də tibb sahəsində – “Respublika Diaqnostika Mərkəzi” ASC-də fəaliyyətimi davam etdirirəm”.
Qeyd edək ki, Oqtay Şirəliyev 2005-2021-ci illər səhiyyə naziri olub. Viktor Qasımov isə 2020-2022-ci illərdə nazir müavini vəzifəsini tutub.
