Macarıstanın baş naziri Viktor Orban hakim Fides-Xristian Demokratik Xalq Partiyasının Avropa Parlamentində və ölkədə keçirilən yerli seçkilərdə qalib gəldiyini elan edib.
NOCOMMENT.az xəbər verir ki, bu barədə RİA Novosti məlumat yayıb.
“Bu gün Budapeştdə və bütün Macarıstanda seçkilər keçirdik və hər iki halda qalib gəldik”, – deyə o vurğulayıb.
O, Macarıstan hökumətinin sülhsevər mövqeyinin “daha da gücləndiyini” vurğulayıb.
“Avropa Parlamentinə seçkilərin nəticələrinə gəlincə, Macarıstan vətəndaşları sülh arzusunu açıq şəkildə ifadə ediblər. Müharibə ilə sülh arasında seçim varsa, onlar sülhü seçirlər”, – Orban vurğulayıb.
Milli Seçki Bürosunun məlumatına görə, hakim alyans 21 mandatdan 11-ni qazanıb.
