Macarıstan Ukraynanın mütəşəkkil cinayət qrupları tərəfindən ölkədə həyata keçirilən maliyyə kibercinayətkarlığına qarşı mübarizəni gücləndirəcək.
NOCOMMENT.az xəbər verir ki, bunu Macarıstanın baş naziri Viktor Orban deyib.
“Son zamanlar bank fırıldaqları və haker hücumları, o cümlədən Ukraynanın iştirakı ilə kiber fırıldaqçılıq hallarında nəzərəçarpacaq artım müşahidə olunub. Ukraynanın mütəşəkkil cinayətkarlığı ilə əlaqəli 19 nəfərdən ibarət şəbəkə yenicə dağıdılıb”, – Orban bildirib.
O əlavə edib ki, bir il ərzində ukraynalı fırıldaqçılar macar ailələrinə 20 milyon avroya qədər ziyan vurublar.
Orban əlavə edib ki, Macarıstan hökumətinin növbəti iclasında Ukraynanın mütəşəkkil cinayətkar qruplarına qarşı mübarizə üçün yeni alətlər müzakirə olunacaq.
