Ermənistanın davam edən təxribatları sonunda Azərbaycan Ordusunu ona adekvat və daha təsirli cavab verməyə məcbur etdi.
NOCOMMENT xəbər verir ki, bu sözləri axar-a Ermənistanın Daşkəsən, Laçın və Kəlbəcər istiqamətində törətdiyi genişmiqyaslı təxribatı şərh edən hərbi ekspert Ədalət Verdiyev deyib.
Hərbi ekspert Ordumuzun cavab tədbirləri nəticəsində düşmənin böyük itkilər verdiyini bildirib: “Şanlı Ordumuz düşmənin təxribat törədən bölmələrinin yerləşdiyi mövqelərinə və atəş mövqelərinə cavab zərbələri endirdi. Endirilən zərbələr nəticəsində düşmən ciddi itkilərə məruz qalıb. Hazırda düşmənin bir neçə döyüş texnikası, o cümlədən radiolokasiya stansiyası, S-300 kompleksləri məhv edilib və onlarla canlı qüvvə itkisi mövcuddur. Ordumuzun bir neçə yeni mövqe əldə etdiyi də şübhəsizdir. Eyni zamanda düşmənin Qafanda yerləşən bir hərbi hissəsi də darmadağın edilib”.
