Sümük əriməsi erkən dövrdə heç bir əlamətə səbəb olmur. Sümük sıxlığının azalmasına baxmayaraq, sümükdə hər hansı bir qırıq, çatlama olmadıqca və ya sümük sıxlığı testləri edilmədikcə xəstəliyi aşkar etmək çox çətindir.
NOCOMMENT xəbər verir ki, osteoporozun irəliləməsi halında xəstələr özləri bəzi simptomları hiss edə bilərlər. Bunlardan bəziləri aşağıdakılardır:
Onurğada sınıq və ya çökmüş vertebranın səbəb olduğu bel ağrısı
Zamanla sümüklərin əyriliyinə görə boyun qısalması
Donqar və pozulmuş duruş
Sadə hərəkətlərlə belə baş verə biləcək qırılmalar və çatlar
Yuxarıda qeyd olunan simptomlar yalnız osteoporoz inkişaf etmiş səviyyələrə çatdıqda və sümük zədələnməyə başladıqda baş verə biləcək simptomlardır. Xəstəlik bu mərhələyə çatdıqdan sonra sümüklərin zədələnməsini bərpa etmək mümkün deyil. Bu səbəbdən yaşlı fərdlər bu xəstəlikdən qorunmaq üçün lazımi həyat tərzi dəyişiklikləri etməli, qidalanmalarına diqqət etməli və mütəmadi olaraq idmanla məşğul olmalıdırlar.
Postmenopozal qadınlar həkimləri tərəfindən tövsiyə olunan aralıqlarla sümük sıxlığı üçün skrininq testlərindən keçməlidirlər.
