Somalidə terror təşkilatı Əl-Şəbabın bir otelə hücumu nəticəsində 9 nəfər həyatını itirib.
NOCOMMENT xəbər verir ki, Əl-Şəbab üzvləri paytaxt Moqadişudakı Pearl Beach otelinə hücum ediblər.
Hücumda 9 nəfər həyatını itirib, 10 mülki şəxs yaralanıb. Ölənlər arasında 3 polis də var.
Münaqişədən sonra oteldə olan 84 nəfər xilas edilib.
Təşkilat üzvlərinin otelə basqın etməsinə təhlükəsizlik qüvvələrinin reaksiyasından sonra qarşıdurmada təşkilatın 7 üzvü zərərsizləşdirilib.
