2024-cü ildə Azərbaycanda fəaliyyət göstərən sığorta şirkətləri (lisenziyası ləğv edilmiş sığortaçılar da daxil olmaqda) toplamda 752 milyon 712 min manat ödəniş həyata keçiriblər.
NOCOMMENT.az xəbər verir ki, bu barədə Mərkəzi Bankdan məlumat əldə edib.
Məlumata əsasən, şirkətlərin topladığı sığorta haqqı isə 1 milyard 353 milyon 185 min manat təşkil edib.
Şirkətlər arasında ən çox sığorta haqqı toplayan və ən çox sığorta ödənişi həyata keçirən şirkət “Paşa Həyat Sığorta” Açıq Səhmdar Cəmiyyəti olub. Belə ki, şirkət ötən ilin yanvar-dekabr aylarında 594 milyon 399 min manat sığorta haqqı toplayıb. Ödənilən sığorta ödənişlərinin həcmi isə 418 milyon 779 min manat təşkil edib.
Siyahıda II yerdə “Paşa Sığorta” Açıq Səhmdar Cəmiyyəti dayanıb. 1 il ərzində 317 milyon 560 min manat toplayan şirkət 141 milyon 292 ödəniş edib.
İlk üçlüyü isə 90 milyon 939 min manat yığım edib 53 milyon 230 min manat ödəniş həyata keçirən “Atəşgah Həyat” Sığorta Şirkəti Açıq Səhmdar Cəmiyyəti tamamlayıb.
“Qala Sığorta” Açıq Səhmdar Cəmiyyəti və “Atəşgah” Sığorta Şirkəti Açıq Səhmdar Cəmiyyəti isə ilk beşliyi tamamlayan şirkətlər olub.
Aşağıdakı cədvəldən bütün siyahı ilə tanış ola bilərsiniz:\\Valyuta.az
| Sığortaçının adı | Sığorta haqları (min manat) |
Sığorta ödənişləri (min manat) |
| “Paşa Həyat Sığorta” ASC | 594,399 | 418,779 |
| “Paşa Sığorta” ASC | 317,560 | 141,292 |
| “Atəşgah Həyat” Sığorta Şirkəti ASC | 90,939 | 53,230 |
| “Qala Sığorta” ASC | 79,351 | 17,351 |
| “Atəşgah” Sığorta Şirkəti ASC | 76,436 | 29,018 |
| “Meqa Sığorta” ASC | 36,217 | 15,699 |
| “Qala Həyat” Sığorta Şirkəti ASC | 25,677 | 4,279 |
| “Azərbaycan Sənaye Sığorta” ASC | 24,943 | 12,099 |
| “Xalq Sığorta” ASC | 24,699 | 9,951 |
| “A-Qroup Sığorta Şirkəti” ASC | 18,717 | 13,875 |
| Aqrar Sığorta ASC | 14,080 | 6,408 |
| Meqa Həyat Sığorta ASC | 11,640 | 1,028 |
| Xalq Həyat Sığorta Şirkəti ASC | 11,366 | 5,937 |
| “AtaSığorta” ASC | 10,394 | 4,297 |
| “AzSığorta” ASC | 9,019 | 1,527 |
| “İpək Yolu Sığorta” ASC | 6,210 | 256 |
| “Bakı Sığorta” ASC | 1,538 | 1,730 |
