Özbəkistan ABŞ ilə kritik minerallar sahəsində əməkdaşlıq sazişi imzalayıb.
NOCOMMENT.az xəbər verir ki, bu barədə ölkə hökumətinin saytında məlumat verilib.
Saziş Özbəkistanın İnvestisiya, Sənaye və Ticarət Nazirliyinin nazir Laziz Kudratovun başçılıq etdiyi nümayəndə heyətinin Vaşinqtona səfəri zamanı bağlanıb.
Tərəflər həmçinin faydalı qazıntıların kəşfiyyatı və hasilatına investisiyalar, yüksək təzyiqli üyütmə komplekslərinin (HPGR) tikintisi, Özbəkistana innovativ texnologiyaların cəlb edilməsi və Özbəkistan mütəxəssislərinin ixtisasartırılmasına dair sazişlər imzalayıblar. Tərəflər ayrı-ayrılıqda mehmanxana tikintisi layihələrinin həyata keçirilməsi müddətləri barədə razılığa gəliblər.
“Bir sıra Amerika şirkətlərinin rəhbərliyi Özbəkistanda aparılan islahatlara yüksək qiymət verib, həmçinin Amerika şirkətlərinin ölkəmizdə uzun illər təcrübəsi olan uğurlu işlərinə əsaslanıb və əməkdaşlığı inkişaf etdirməyə hazır olduqlarını bildiriblər”, – Özbəkistan hökuməti bildirib.
