Ermənistanın baş naziri Nikol Paşinyan deyib ki, ölkədə yeni – sosial-psixoloji inqilab başlayıb və o, bunu 2018-ci ilin “məxməri inqilab”ından heç də az əhəmiyyət kəsb etmir.
NOCOMMENT.az xəbər verir ki, onun çıxışı parlamentin “YouTube ” kanalında yayımlanıb.
O, həmçinin bildirib ki, “Qarabağ hərəkatını” canlandırmaq cəhdləri Ermənistan üçün dağıdıcıdır. Paşinyanın sözlərinə görə, bu hərəkat respublikanın dövlətçiliyinə, müstəqilliyinə və suverenliyinə qarşı yönəlmiş alətdir.
Bundan əvvəl Paşinyan bəyan edib ki, Ermənistanın yeni Konstitusiyasına Dağlıq Qarabağın adı çəkilən Müstəqillik Bəyannaməsinə istinadlar ola bilməz. Siyasətçinin sözlərinə görə, bəyannamənin mətnində Ermənistanın müstəqilliyi və dövlətçiliyi istisna edilir.
Bundan əvvəl Paşinyanın parlamentdə titrəməsi videoya çəkilib. Qeyd olunur ki, Paşinyanın sarsıdılmasına səbəb parlament müxalifətinin hökumətin büdcə siyasəti ilə bağlı iddiaları olub.
