Ermənistan baş naziri Nikol Paşinyan Qarabağ münaqişəsi ilə bağlı yeni açıqlamalar verib.
NOCOMMENT xəbər verir ki, feysbuk vasitəsilə xalqa canlı müraciət edən Paşinyan münaqişənin danışıqlar yolu ilə həll variantlarının tükəndiyini açıqlayıb.
“Hazırkı mərhələdə Qarabağ münaqişəsinin diplomatik yolla həlli barədə danışmaq mənasızdır. Məsələnin diplomatik yolla həlli üçün bəslənən ümidlər, səslənən fikirlər və s. artıq bitmiş hesab etmək olar. Ya qələbə, ya da məğlubiyyət – orta yol yoxdur”, – deyə hökumət rəhbəri bildirib.
Paşinyan sona qədər mübarizə aparmalı olduqlarını vurğulayıb. O həmçinin, Rusiyaya strateji tərəfdaş kimi verdiyi dəstəyə görə öz minnətdarlığını da ifadə edib.
