“Təhlükəsizlik sahəsində başqa tərəfdaşlar axtarırıq. Biz onları axtarıb tapırıq. Biz müqavilələr bağlamağa, silah və hərbi texnika almağa çalışırıq”.
NOCOMMENT.az xəbər verir ki, bunu Ermənistanın baş naziri Nikol Paşinyan Kollektiv Təhlükəsizlik Müqaviləsi Təşkilatının (KTMT) ölkəsinin təhlükəsizlik problemlərinə lazımi həssaslıq göstərmədiyini bəyan edərkən deyib.
KTMT-nin Ermənistanın təhlükəsizliyi ilə bağlı üzərinə düşən öhdəlikləri yerinə yetirmədiyini açıqlayan Paşinyan, “Bu vəziyyət bir neçə dəfə təkrarlanıb. Bizim cəmiyyətimiz anlamır ki, niyə KTMT-yə gedib hər dəfə eyni şeyi təkrar edirik”.
Paşinyan bildirib ki, Ermənistan danışıqlardan imtina etməyib, lakin “müəyyən səbəblərdən” KTMT tədbirlərində iştirak etməmək qərarına gəlib.
