Ermənistanın baş naziri Nikol Paşinyanın aparatının rəhbərin müavini Taron Çaxoyan feysbukdakı səhifəsində 2017-ci ildə yayılmış fotonu paylaşaraq, müxtəlif tullantıların, zibillərin əks olunduğu şəklin “dünən” Yerevanın müxalifət tərəfindən blokdan çıxarılmış Baqramyan prospektində çəkildiyini iddia edib.
Bu barədə NOCOMMENT report-a istinadən xəbər verir.
“Sirli şəkil. Baqramyan prospekti bu gün”, – deyə Çaxoyan tullantıların yer aldığı şəkillə bağlı yazıb. Onun paylaşımı xeyli sayda bəyənmə və şərh yığıb.
Lakin sonra sosial şəbəkə istifadəçiləri şəklin orijinalını tapıblar. Məlum olub ki, fotonu 25 sentyabr 2017-ci ildə Ukrayna saytı yayıbmış.
Çaxoyan bundan sonra paylaşımını silib və üzr istəyib. Ancaq buna baxmayaraq, onun paylaşımı sosial şəbəkələrdə ciddi müzakirə mövzusu olub.
