Ukrayna prezidenti Vladimir Zelenskinin mövqeyi günü-gündən pisləşir. Bu fikri Rusiya prezidentinin mətbuat katibi Dmitri Peskov “ Moskva. Kreml. Putin ” verilişinin müəllifi və aparıcısı Pavel Zarubinlə söhbətində bildirib.
NOCOMMENT.az xəbər verir ki, onun şərhi “Vesti” Telegram kanalında dərc olunub.
“Zelenski və Kiyev rejimi üçün hər gün itirilmiş gündür. Onların mövqeləri hər gün həm ölkə daxilində, həm də cəbhə xəttində pisləşir”, – Peskov bildirib.
Peskov daha əvvəl bəyan etmişdi ki, Kiyevdəki korrupsiya qalmaqalı siyasi qeyri-müəyyənliyə səbəb olub. Buna görə də, Rusiya liderinin mətbuat katibi qeyd edib ki, bundan sonra nə olacağını proqnozlaşdırmaq çətindir.
Noyabrın sonunda Ukraynada korrupsiya qalmaqalı yaranıb: Ukrayna Milli Antikorrupsiya Bürosunun və İxtisaslaşdırılmış Korrupsiyaya Qarşı Mübarizə Prokurorluğunun müstəntiqləri prezident aparatının rəhbəri Andrey Yermakın evində axtarışlar aparıblar. Bunun ardınca Yermak istefa verdi, Zelenski isə onun işdən çıxarılması barədə sərəncam imzalayıb.
