Rusiya prezidentinin mətbuat katibi Dmitri Peskov bəyan edib ki, Ukrayna bu və ya digər şəkildə silahlı münaqişənin həlli üçün danışıqlarda iştirak edəcək.
NOCOMMENT.az xəbər verir ki, onun sözlərini Vesti Telegram kanalı sitat gətirir.
Eyni zamanda, Peskov qeyd edib ki, Rusiya və ABŞ da Ukrayna nizamlanması üzrə ikitərəfli danışıqlar aparacaq. Kreml nümayəndəsi əlavə edib ki, Rusiya ABŞ-ı Ukrayna üzrə danışıqlarda əsas həmsöhbət hesab edir.
Rusiya liderinin mətbuat katibi onu da bildirib ki, Rusiya prezidenti Vladimir Putin və onun amerikalı həmkarı Donald Tramp Ukrayna prezidenti Vladimir Zelenskinin hüquqi statusunu müzakirə etməyiblər.
