Dünyanın ən zəngin 500 adamı 2022-ci ilin əvvəlindən 1,4 trilyon dollar itirib.
NOCOMMENT “Bloomberg”ə istinaəna xəbər verir ki, bu məlumat “Milyarderlər İndeksi”ndə dərc edilib.
Agentliyin məlumatına görə, ən zəngin beş adam bu il ümumilikdə 345 milyard dollar itirib. Ən çox – 85,6 milyard dollar itirən “Binance” kriptovalyuta birjasının təsisçisi Çanpen Çjandır. İkinci yerdə sahibkar İlon Mask qərarlaşıb. O, 73,2 milyard dollar itirib.
Siyahıda üçüncü yerdə isə 65,3 milyard dollarla “Amazon”un qurucusu Ceff Bezos qərarlaşıb. Dördüncü yeri 64,4 milyard dollar itirmiş “Meta” şirkətinin rəhbəri Mark Zukerberq tutub.
Beşinci yerdə isə 56,8 milyard dollar itirmiş sahibkar “Louis Vuitton Most Hennessy” qrupunun sədri Bernard Arno qərarlaşıb.
Bundan əlavə, təkcə iyunun 13-də planetin 500 ən varlı adamı ümumilikdə 206 milyard dollar itirib./yenisabah
