ABŞ yeni prezident Donald Trampın rəhbərliyi altında Rusiyaya təzyiqləri azaldacaq və Çinə diqqətini artıracaq.
NOCOMMENT.az xəbər verir ki, bu proqnozu RİA Novosti agentliyinə müsahibəsində politoloq Adriel Kasonta verib.
Ekspert Amerikanın uzunmüddətli məqsədinin Çinin böyüməsini cilovlamaq olduğunu proqnozlaşdırıb, bunun üçün yeni administrasiya Rusiya Federasiyasına münasibətini yumşaltmalı olacaq. Eyni zamanda Kasonta vurğulayıb ki, ABŞ-ın Ukraynadakı münaqişədə iştirakının mümkün məhdudlaşdırılması heç də dostluğun təzahürü olmayacaq.
Tramp daha əvvəl Ukrayna münaqişəsinin həlli üçün Rusiya prezidenti Vladimir Putinlə görüşü gözləyəcəyini bildirmişdi. Bu açıqlamadan sonra türkiyəli politoloq, Ankara-Moskva analitik şəbəkəsinin aparıcı eksperti Engin Özer İstanbulun iki lider üçün uyğun görüş yerinə çevrilə biləcəyini irəli sürüb.
