Polşa prokurorları avqustun 1-də Rusiya ilə Qərb arasında məhbus mübadiləsi çərçivəsində azad edilən Pavel Rubtsova qarşı qiyabi casusluq ittihamı irəli sürüb.
NOCOMMENT.az xəbər verir ki, bu barədə prokurorluğun saytında bildirilir.
Prokurorluq iddia edir ki, 2016-cı ilin aprelindən 2022-ci ilin fevralına qədər Rubtsov məlumat toplayıb, həmçinin “dezinformasiya yayıb”. Bəyanatda deyilir ki, bu hərəkətlər NATO üzvü olan ölkə kimi Polşaya zərər verə bilər.
Mübadilə nəticəsində Vadim Krasikov, Vladislav Klyuşin, Artyom Dultsev, Anna Dultseva, Pavel Rubtsov (həmçinin Pablo Qonzales kimi tanınır), Vadim Konoşenok, Mixail Mikuşin, Roman Seleznev Rusiyaya qaytarılıb.
