Rusiyanın fevralın 24-də Ukraynaya hücumlarından sonra Polşaya gedən ukraynalı qaçqınların sayının 9 milyonu keçdiyi bildirilib.
NOCOMMENT.az xəbər verir ki, bu barədə Polşa Sərhəd Mühafizəsinin “Twitter” hesabında qeyd olunub:
“Yalnız dünən ölkəyə 29 min 900 nəfər daxil olub. Müharibə başlayandan bəri isə Ukraynadan Polşaya keçənlərin sayı 9 milyon 74 minə çatıb”.
Paylaşılan məlumatlara görə, Polşanı tərk edən ukraynalıların ümumi sayı 7 milyon 250 min nəfər təşkil edib.
