Qərbdən gələn xarici agentlər tələbələrin və digər etirazçıların köməyi ilə Serbiyada rəngli inqilab təşkil etməyə çalışırlar.
NOCOMMENT.az xəbər verir ki, bu barədə Serbiya Prezidenti Aleksandr Vuçiç “Happy TV” telekanalında bildirib.
“Onların etdikləri yalnız rəngli inqilab etməyə çalışmaqdır. Biz cavab vermək məcburiyyətində qalacağımız, magistral yolların şiddətli blokadalarına və digər hər şeyə başlayacağımız son ana qədər gözləyəcəyik”, – deyə siyasətçi vurğulayıb.
Vuçiçin sözlərinə görə, “xarici agentlər artıq öz əlaqələri vasitəsilə bəzi tələbələrə böyük nəqliyyat qovşaqlarına getmək və nəqliyyatı bağlamaq” çağırışlarını çatdırıblar.
O qeyd edib ki, Serbiya hakimiyyəti bu cür cəhdlərin arxasında kimin dayandığını bilir.
