Rusiya prezidenti Vladimir Putin Çinə səfərinin nəticələrini müsbət adlandırıb.
NOCOMMENT.az TASS-a istinadən xəbər verir ki, o, bu barədə Pekində keçirilən yekun mətbuat konfransında bildirib.
Rusiya prezidentinin sözlərinə görə, Çinə uzunmüddətli səfəri ona qeyri-rəsmi şəraitdə dəfələrlə Çin sədri Si Cinpinlə görüşməyə və ən mühüm mövzuları müzakirə etməyə imkan verib.
O, Çinə səfəri zamanı imzalanan sənədlərin gələcəyə hesablandığını da vurğulayıb.
Bundan əvvəl Milli Tədqiqat Universiteti Ali İqtisadiyyat Məktəbinin Hərtərəfli Avropa və Beynəlxalq Araşdırmalar Mərkəzinin (CCEIS) direktoru Vasili Kaşin Putinin Çinə səfərinin əsas nəticəsini açıqlamışdı. Onun fikrincə, bu, Rusiya qazının Çinə cari tədarükünün artırılmasını nəzərdə tutan qaz sazişlərinin imzalanmasıdır.
