Rusiya prezidenti Vladimir Putin yanvarın 17-də İran lideri Məsud Pezeşkianla danışıqlar aparacaq.
NOCOMMENT.az xəbər verir ki, bu barədə Kremlin mətbuat xidməti məlumat yayıb.
“İkitərəfli əməkdaşlığın daha da genişləndirilməsi perspektivlərinin, o cümlədən ticarət və investisiyalar, nəqliyyat-logistika və humanitar sahələrdə, o cümlədən regional və beynəlxalq gündəlikdəki aktual məsələlərin müzakirəsi gözlənilir”, – nəşrdə deyilir.
Qeyd olunur ki, danışıqların sonunda Vladimir Putin və Məsud Pezeşkian Rusiya və İran arasında Hərtərəfli Strateji Tərəfdaşlıq Sazişi imzalayacaqlar.
Daha əvvəl Vladimir Putin bildirib ki, Pezeşkianın Moskvaya səfəri zamanı İran və Rusiya “fundamental saziş” imzalaya bilərlər. Ölkələr uzun müddət logistika, enerji və təhlükəsizlik sahələrində əməkdaşlıq edir və bu sahələrdə strateji əməkdaşlıq haqqında yeni hərtərəfli saziş imzalaya bilər.
