Kiyev Kursk bölgəsindəki hərəkətləri ilə gələcəkdə danışıqlarda mövqeyini yaxşılaşdırmağa çalışır.
NOCOMMENT.az TASS xəbər verir ki , Rusiya prezidenti Vladimir Putin Ukrayna Silahlı Qüvvələrinin bölgəyə müdaxiləsini belə izah edib .
“İndi aydın oldu ki, Kiyev rejimi niyə sülh yolu ilə nizamlanma planına qayıtmaq təkliflərimizdən imtina edib. Düşmən Qərb ağalarının köməyi ilə – onların iradəsini həyata keçirir və Qərb ukraynalıların əli ilə bizimlə vuruşur – gələcəkdə danışıqlarda mövqelərini yaxşılaşdırmağa çalışır”.
Eyni zamanda, Rusiya lideri vurğulayıb ki, “mülki əhaliyə, mülki infrastruktura fərq qoymadan zərbələr endirən və ya nüvə enerjisi obyektlərinə təhlükə yaratmağa çalışan” insanlarla hər hansı danışıqlardan söhbət gedə bilməz.
Avqustun 6-dan Kursk vilayətində Ukrayna hərbçiləri ilə döyüşlər davam edir. Putin qeyd edib ki, Rusiyanın Kursk vilayətində əsas vəzifəsi düşməni öz ərazisindən çıxarmaqdır.
