Rusiya prezidenti Vladimir Putin Qəzza zolağında baş verən münaqişələrin Fələstinin dinc əhalisinə əziyyət verdiyini bildirib.
NOCOMMENT.az xəbər verir ki, Fələstinin Moskva səfirliyində noyabrın 29-da qeyd olunan Fələstin Xalqı ilə Beynəlxalq Həmrəylik Günü münasibətilə tədbir keçirilib.
Tədbirə Rusiya Prezidenti Vladimir Putin, Yaxın Şərq və Afrika ölkələrinin xüsusi nümayəndəsi Mixail Boqdanov, Fələstinin Moskvadakı səfiri Abdel Hafiz Nofəl, Türkiyənin Moskvadakı səfiri Tanju Bilgiç və diplomatik missiya nümayəndələri iştirak ediblər.
Buradakı çıxışında Fələstinin Moskvadakı səfiri Nofəl tədbir iştirakçılarına göstərdikləri dəstəyə görə təşəkkür edib və Fələstin Prezidenti Mahmud Abbasın xüsusi mesajını oxuyub.
Putinin Yaxın Şərq və Afrika ölkələri üzrə xüsusi nümayəndəsi Boqdanov da Putinin Abbasa göndərdiyi məktubu oxuyub.
