Rusiya Prezidenti Vladimir Putin birləşmiş qoşun qruplaşmasının idarəetmə məntəqələrindən birinə səfəri zamanı ordunun qış mövsümü üçün təminatı ilə bağlı tapşırıqlar verib.
NOCOMMENT.az xəbər verir ki, Putin bildirib ki, qarşıda qış dövrü olduğu üçün hərbçilərin bütün zəruri ləvazimatlarla təmin edilməsi xüsusi diqqət tələb edir.
“Qarşıda qış mövsümü var. Bunu nəzərdən qaçırmamalıyıq. Uşaqlar (hərbçilər) lazım olan hər şeylə təmin edilməlidirlər”, — deyə Rusiya Prezidenti vurğulayıb.
Moskvanın qış şəraitində döyüş əməliyyatlarını davam etdirməyə hazırlaşdığı ehtimal edilir.
