Baş nazir Nikol Paşinyanın komandası qiyama qalxıb.
NOCOMMENT фxar.az-a istinadən xəbər verir ki, bunu rusiyalı erməni mediamaqnat Aram Qabrelyanov deyib.
“Paşinyanın ətrafındakı mənbələrim məlumat verir ki, baş nazirin komandası qiyam qaldırır. Dünən gecə hakim komandanın bir neçə aktiv üzvü Ararat Mirzoyanın rəhbərliyi altında yaranan situasiyanı müzakirə ediblər”, – deyə o bildirib.
Onun sözlərinə görə, Mirzoyan deputatları rahatlatmağa çalışır, amma mənbələr deyir ki, Mirzoyanın özündə də ciddi dəyişikliklər var: “Mirzoyan deyib ki, Nikol ordu rəhbərliyinə müraciət edərək, küçələrə ordu yeridilməsini və komendant saatı tətbiq edilməsini istəyib. Bununla müxalifəti qorxutmağa çalışıb. Generallar qəti şəkildə buna etiraz ediblər. Kinoprodüsser Armen Qriqoryanın Paşinyanı kilsəyə buraxmamaqla bağlı çağırışı Paşinyanı özündən çıxartdı. Bütün gecə o, Qriqoryanın həbs edilməsini tələb edib, amma güc strukturlarının imtinasından sonra susub”.
