Qadın əri tərəfindən bıçaqlanıb

07.12.2025-ci il tarixində saat 18:00 radələrində 1993-cü il təvəllüdlü şəxs (qadın) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

Bu barədə TƏBİB-dən NOCOMMENT.az -a məlumat verilib.

Bildirilib ki, qarın boşluğunun kəsilmiş-deşilmiş yarası diaqnozu təyin edilən pasiyentə zəruri tibbi xidmətlər göstərilib. Vəziyyəti orta ağır qiymətləndirilən şəxsin müalicəsi müvafiq şöbədə davam etdirilir.

***19:41

Gəncədə qadını bıçaqlayan şəxs tutulub.

NOCOMMENT.az-ın Qərb bürosunun məlumatına görə, polis əməkdaşlarının keçirdikləri müvafiq tədbirlər nəticəsində hadisəni törətməkdə şübhəli bilinən 35 yaşlı Məhəmməd Məhərrəmov saxlanılıb.

Araşdırmalar davam etdirilir.

***

Gəncədə bıçaqlanma hadisəsi olub.

NOCOMMENT.az-ın Qərb bürosunun məlumatına görə, hadisə şəhərin Əttarlar küçəsində qeydə alınıb.

Belə ki, şəhər sakini 1993-cü il təvəllüdlü Esmira Məmmədova bıçaq xəsarəti ilə xəstəxanaya yeləşdirilib. Dərhal ona yardım edilib, vəziyyətinin orta ağır olduğu bildirilir.