“Qalatasaray”ın ulduz futbolçusu Markao qəzaya düşüb.
NOCOMMENT xəbər verir ki, qəzanın harada və hansı şəraitdə baş verməsi açıqlanmayıb.
Qəza xəbərini eşidən azarkeşlər sosial şəbəkə hesablarında yüzlərlə paylaşım ediblər. Bir qədər əvvəl “Qalatasaray”ın keçmiş futbolçusu Ahmet Çalıkın qəzada həlak olmasını xatırladan azarkeşlər Markao üçün dua etdiklərini qeyd ediblər.
Xoşbəxtlikdən daha sonra futbolçunun qəzada yaralanmadığı, sadəcə avtomobilə zərər dəydiyi üzə çıxıb.
Markao özü də sosial şəbəkə hesabından açıqlama verərək bildirib ki, səhhəti ilə bağlı hər şey qaydasındadır.
