“Qarabağ” avrokuboklarda növbəti matçına çıxıb.
NOCOMMENT.az xəbər verir ki, Azərbaycan Premyer Liqasının vitse-çempionu Konfrans Liqasının III təsnifat mərhələsinin cavab görüşündə Kiprin AEL klubunu sınağa çəkib. Gərgin mübarizə şəraitində keçən qarşılaşmanın taleyi matçın sonlarında həll olunub.
Hakimin final fitinə 3 dəqiqə qalmış fərqlənən yeni transfer Kadi Borqes “Qarabağ”a çətin qələbə qazandırıb. Bu, ağdamlıları ardıcıl 9-cu dəfə avrokubokların pley-offuna daşıyıb.
Qeyd edək ki, pley-off mərhələsinə gələn həftə start veriləcək. “Qarabağ” “Aberdin” (Şotlandiya) – “Breydablik” (İslandiya) cütünün qalibi ilə görüşəcək. Avqustun 19-dakı matç Bakıda, ayın 26-dakı görüş səfərdə keçiriləcək.