Qax rayonunda yanğın hadisəsi baş verib.
NOCOMMENT.az xəbər verir ki, “Report”un Şimal-qərb bürosunun məlumatına görə, hadisə rayonun Qaxbaş kəndində qeydə alınıb.
Belə ki, Qaxbaş kənd sakini, 1959-cu il təvəllüdlü, Tamazaşvili Sosiko Restikoviçə məxsus ümumi sahəsi 112 kv/m olan kürsülü bir mərtəbəli 3 otaqlı evin yanar konstruksiyaları və ev əşyaları ilə birlikdə yanıb.
Hadisə yerinə Fövqəladə Hallar Nazirliyinin ( FHN) Qax rayon Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb olunub.
Yanğın zamanı yaxınlıqdakı tikililər yanğından mühafizə olunub, xəsarət alan olmayıb.
Faktla bağlı araşdırma aparılır.
