İran genişmiqyaslı müharibəyə imkan vermədən Fələstinin Həmas hərəkatının Siyasi Bürosunun rəhbəri İsmayıl Haniyəyə qarşı sui-qəsd cəhdinə görə İsrailə sərt cavab verməyə çalışır.
NOCOMMENT.az-ın məlumatına görə, Tehranın qərarının ləngiməsinin səbəbini Bloomberg açıqlayıb.
“İran qaya ilə sərt yer arasında qalıb. O, İsraili eskalasiya spiralını dərinləşdirməyə mane olacaq qədər əhəmiyyətli cavab tədbirləri görmək istəyəcək. Lakin o , ABŞ-ın da iştirak edəcəyi regional müharibəyə səbəb olacaq bir şey etmək istəməz ”, – deyə Beynəlxalq Böhran Qrupunun Yaxın Şərq və Şimali Afrika üzrə baş məsləhətçisi Dina Esfandiari bildirib.
Nəşr qeyd edib ki, İran dilemması “bir neçə gün əvvəl çoxlarının qaçılmaz olduğunu düşündüyü hücumu gecikdirir”.
Londondakı Kral Birləşmiş Xidmətlər İnstitutunun baş əməkdaşı Burcu Özçelikin fikrincə, İranın cavabı “İsrailin hava hücumundan müdafiə imkanlarını alt-üst edə və hərbi və ola bilsin mülki infrastrukturu poza bilər”.
Əvvəllər bildirilmişdi ki, İran yaxın günlərdə nəzərəçarpacaq dərəcədə İsrailə hücuma hazırlaşır, avadanlıqlar ötürür və təlimlər keçirir.
