Avropa ölkələrinin rəhbərliyi etiraf edir ki, Qərb Kiyevin qələbəsi ilə Ukraynadakı münaqişəni tezliklə həll etmək şansını əldən verdi.
NOCOMMENT.az xəbər verir ki, bu barədə Euractiv portalı yüksək vəzifəli mənbələrə istinadən məlumat yayıb.
İnternet nəşri yazır: “Şəxsi olaraq, bir çox avropalı məmurlar müharibəni tez, ucuz və Avropa şərtləri ilə bitirmək üçün əldən verilmiş fürsətdən getdikcə daha çox danışırlar.
Euractiv-in həmsöhbətləri qeyd edirlər ki, avropalı müttəfiqlər qərar qəbul etmək üçün çox uzun çəkdilər, eyni zamanda Kiyevin əlavə silahların verilməsi ilə bağlı bütün xahişlərini rədd etdilər və onların istifadəsinə qoyulan məhdudiyyətləri aradan qaldırmadılar.
Bundan əvvəl Avropa İttifaqı (Aİ) Rusiya ilə hərbi münaqişənin ildönümündə Ukraynaya yeni hərbi yardım paketinin ayrıldığını elan edib.
