Qəzza zolağında Fələstinin HAMAS radikal qruplaşmasının bölmələrinə qarşı döyüş əməliyyatları zamanı hərbçi ölüb.
NOCOMMENT.az apa-ya istinadən xəbər verir ki, bu barədə İsrail Müdafiə Qüvvələri bildirib.
İsrail Müdafiə Nazirliyinin mətbuat xidmətinin məlumatına görə, 24 yaşlı kapitan Abraham Ben Pinhas Qəzza zolağının cənubundakı Rəfahda tank əleyhinə raketlə öldürülüb.
Bu məlumatları nəzərə alsaq, Yaxın Şərq münaqişəsində həlak olan İsrail əsgərlərinin sayı ordunun mətbuat xidmətinin məlumatına görə, artıq 809 nəfər olub.
