Qırğızıstanın hüquq-mühafizə orqanlarının əməkdaşları yerli sakinin evində başqa ölkəyə gedən tunel aşkar ediblər.
NOCOMMENT.az xəbər verir ki, bu barədə Qırğızıstanın Milli Təhlükəsizlik Komitəsi məlumat yayıb.
Hadisə Özbəkistanla sərhəddə yerləşən Bek-Abad kəndində baş verib. 15 metr dərinlikdə kəşf edilən tunelin uzunluğu 130 metrdir. Eyni zamanda evdən sərhədə qədər olan məsafə 50 metr təşkil edib.
Hüquq-mühafizə orqanlarının əməkdaşlarının sözlərinə görə, bu üsuldan qaçaqmalların keçirilməsi və sərhədi qanunsuz keçməsi üçün istifadə edilib.
Qırğızıstanın hüquq-mühafizə orqanlarının əməkdaşları artıq ev sahibini saxlayıb, o, qaçaqmalçılıq kanalı təşkil etməkdə şübhəli bilinir. Hazırda ekspertlər bütün halları aydınlaşdırırlar.