NOCOMMENT.az Rusiya mətbuatına istinadən xəbər verir ki, Beynəlxalq Qızıl Xaç Komitəsi (BQXK) Qəzza zolağından girov götürülən 24 nəfərdən ibarət qrupun uğurla azad edildiyini təsdiqləyib. Bu barədə qurumun “X” sosial şəbəkəsindəki mesajında deyilir.
“Biz 24 məhbusun təhlükəsiz şəkildə azad edilməsini təsdiqləyirik”, — deyə nəşrdə bildirilir.
Qızıl Xaç Cəmiyyətinin mətbuat xidmətinin məlumatına görə, insanlar Fələstin anklavından Rəfah keçid məntəqəsindən çıxarılaraq İsrail tərəfinə təhvil verilib. Bəyanatda qeyd olunur ki, BQXK humanitar vasitəçi kimi çıxış edib.
