İsrail Qəzza zolağında Fələstin Qızıl Ayparasının təcili yardım maşınına atəş açıb.
NOCOMMENT.az xəbər verir ki, bu barədə qurumun X- dəki səhifəsində yer alan məlumatda deyilir.
“İsrail qüvvələri Fələstin Qızıl Aypara Cəmiyyətinin təcili yardım maşınına atəş açıb, ekipajı Qəzza zolağında yaralıları daşımaq üçün humanitar missiyanı yerinə yetirərkən. Bu xoşagəlməz hadisə tibb işçilərinin xəsarət alması ilə nəticələnib”, – deyə məlumatda bildirilir.
Həkimlərdən birinin çiynindən güllə yarası və başından qəlpə yarası aldığı, digərinin isə ayağından yaralandığı qeyd edilir.
