Ukrayna Silahlı Qüvvələri (AFU) Belqorod vilayətində 9 yaşayış məntəqəsinə hücum edib.
NOCOMMENT.az xəbər verir ki, bu barədə regionun rəhbəri Vyaçeslav Qladkov özünün Telegram kanalında məlumat verib.
Onun sözlərinə görə, itki yoxdur.
Belqorod vilayətinin Çayki kəndində fərdi yaşayış evinin ərazisində FPV pilotsuz uçan aparatı partlayıb, nəticədə qaraj və avtobus zədələnib, qonşu evin şüşələri sınıb. Nikolaevkada dron fərdi yaşayış evinə dəyib, dam örtüyünə, hasara və yay mətbəxinə ziyan vurub. Tserkovnı kəndində mərmi yerli kənd təsərrüfatı müəssisəsinin istehsalat binasının damını deşib.
Rakityanski rayonunun İlek-Koşarı kəndində pilotsuz təyyarə sosial müəssisənin binasına zərbə endirərək pəncərələri sındırıb.
