Nepalın Himalay dağlarında toplanan “mad honey” (çılğın bal) dünyanın ən nadir və bahalı bal növlərindən biridir.
NOCOMMENT.az valyuta.az-a istinadən xəbər verir ki, bu bal, yalnız Himalay nəhəng arısı (Apis laboriosa) tərəfindən istehsal olunur və çox dik qayalıqlarda yerləşən pətəklərdən toplanır.
Prosesi həyata keçirən bal ovçuları bu işdə böyük risklərlə üzləşirlər.
“Mad honey”nin əsas xüsusiyyəti onun tərkibindəki grayanotoksin adlı təbii maddədir. Bu maddə az miqdarda qəbul edildikdə halüsinasiyalara və rahatlama hissinə səbəb ola bilər. Balın dadı bir qədər acı, ətri isə sandal ağacı, qoz və viski notlarını xatırladır.
Toplama zamanı bal pətəklərinin qırılmaması vacibdir, çünki onların içindəki unikal aroma və faydalı maddələr beləliklə qorunur. Pətəklərin bütöv qalması həm də balın yüksək keyfiyyətini və dəyərini təmin edir.
Bu nadir balın 100 qramı 50–300 ABŞ dolları (85-512 manat) arasında dəyişir. Beynəlxalq bazarda isə kiloqramı 900 dollara (1 530 manat) qədər satıla bilər. “Medicinal Mad Honey” kimi brendlər bu məhsulu dünyaya tanıtdırır və yerli icmalara dəstək olur.
