21 noyabr 2022-ci ildə ABŞ-ın Minnesota ştatındakı atom elektrik stansiyasında radioaktiv su sızması baş verdi, lakin sızma 16 mart tarixinə qədər ictimaiyyətə açıqlanmadı.
NOCOMMENT xəbər verir ki, səlahiyyətlilər sızan radioaktiv suyun nəzarət altında olduğunu və əhalinin sağlamlığı üçün təhlükə yaratmadığını bildirib.
Minnesota ştatında Monticello Atom Elektrik Stansiyasını idarə edən Xcel Energy şirkəti martın 16-da açıqlama verərək, keçən il noyabrın 21-də stansiyada sızma olduğunu və ABŞ Nüvə Tənzimləmə Komissiyasına (NRC) məlumat verildiyini bildirib: “Sızıntı nəzarət altında və Nüvə Tənzimləməsi altındadır. Komissiya qaydaları ilə təsdiqləndiyi kimi yerli insanlar və ətraf mühit üçün heç bir risk daşımır”.
Dövlət rəsmiləri isə sızıntını ictimaiyyətə açıqlamadan əvvəl daha çox məlumat əldə etməyi gözlədiklərini və radioaktiv suyun stansiyanı tərk etmədiyini və yeraltı sulara qarışmadığını bildiriblər.
