Ramiz Mehdiyevin kürəkəni Novruz Novruzovla birləşərək iş adamının torpağını əlindən alıbbackend

Ramiz Mehdiyevin kürəkəni Novruz Novruzovla birləşərək iş adamının torpağını əlindən alıb

  • whatsapp
  • messenger
  • telegram
  • vkontakte
  • odnoklassniki

“Ramiz Mehdiyev vəzifəsindən azad olunandan sonra onun və yaxın ətrafının cinayətləri barədə yüzlərlə faktlar göstərilib və hələ də ortada konkret bir iş yoxdur”.

NOCOMMENT.az xəbər verir ki, bunu hüquqşünas Aslan İsmayılov deyib.

O, qeyd edib ki, bu məsələdə məqsədi heç də adı hallanan şəxslərin hamısının həbs edilməsi deyil:

“Əsas məsələ bu şəxslərin cinayət yolu ilə topladıqları sərvətləri hələ də özlərində saxlamaqlarıdır. Bu mövzunun özündə də əsas məsələ cinayət yolu ilə vəzifələrindən sui-istifadə etməklə vətəndaşların əmlaklarının zorla əllərindən alınmasıdır. Artıq bir neçə dəfə müraciət etmişdim ki, bu dəstə tərəfindən əmlakları əllərindən alınanlar təcili hüquq mühafizə orqanlarına müraciət etməli və müraciətlərini də ictimailəşdirməlidirlər.

Ramiz Mehdiyevin kürəkəni, keçmiş deputat İlham Əliyevin Dubaydan olan azərbaycanlı iş adamından 300 min dollara yaxın düyü alıb pulunu verməməsi barədə, səhv etmirəmsə, 1998-ci ildə mətbuat konfransı da keçirmişəm. Hələ o vaxtlar həmin azərbaycanlı iş adamı artıq müflis olmuş və səhhəti ağır vəziyyətdə idi.

Bundan başqa, İ.Əliyev Quba, Xaçmaz, Qusar rayonlarında çoxsaylı iş adamlarının torpaq sahələrini icra başçıları vasitəsi ilə əllərindən almışdı. Konkret olaraq özüm məşğul olduğum işdə iş adamı M.Məmmədovun Xaçmaz rayonunda yerləşən 1290 ha torpaq sahəsini İ.Əliyev o vaxtlar Dəvəçi rayon icra başçısı olmuş, indi Siyazən rayonunda icra başçısı işləyən Novruz Novruzov (şəxsən yanında olmuşam) vasitəsi ilə əlindən aldı.

Eyni yolla Xaçmaz rayon icra başçısı Şəmsəddin Xanbabayevin əli ilə də başqalarının əmlakları alınıb. 2005-2010-cu illər Ramiz Mehdiyevin biznesini idarə edən, bu gün on milyonlarla avtomobillər, villalar sahibi olan, ifşa etdiyimə görə öz dəstəsi vasitəsi ilə məni ölümlə hədələyən Rasim Məmmədov onlarla iş adamlarının biznesini heç bir ödəmə etmədən o vaxtlar Mütəşəkkil Cinayətlərlə Mübarizə Baş İdarəsinin rəisi, indi Bakı şəhər Baş Polis İdarəsinin rəisi işləyən Mirqafar Seyidov vasitəsi ilə əllərindən aldı. Əli Həsənov və dəstəsinin cinayətləri barədə başlanmış işlərdən də konkret bir xəbər yoxdur. Bu siyahının sayı hesabı yoxdur.

Nə qədər ki, bu şəxslər oğurladıqlarını dövlətə, həqiqi sahiblərinə qaytarmayacaqlar belə hallar davam edəcək və hansısa ədalətdən, Dövlətdən, islahatdan danışmağa dəyməz”.

pravda.az