Ermənistan parlamentində bu gün baş tutan müzakirələr zamanı “Ermənistan” blokundan olan deputat Aqvan Vardanyan müharibə çağırışı ilə çıxış edib.
NOCOMMENT axar-a istinadən xəbər verir ki, o, “iki yaxşı xəbərinin” olduğunu deyib.
“Birincisi odur ki, biz, 90-cı illərdə olduğu kimi, “bütün yolları” açacağıq, Ermənistan və Qarabağ regionda faktora çevriləcək. İkinci yaxşı xəbər odur ki, heç bir “Vətəndaş müqaviləsi” (hakim partiya) olmayacaq”, – deyə o bildirib.
Qeyd edək ki, “Ermənistan” blokuna Ermənistanın sabiq prezidenti Robert Köçəryan rəhbərlik edir. Bu blok və onun ətrafında birləşənlər özlərini “revanşist” sayır və tez-tez müharibə ritorikasından istifadə edirlər.
