Məşhur müğənni, bəstəkar, reper Kanye Uest ABŞ-da bu il keçiriləcək prezident seçkilərində müstəqil namizəd kimi iştirak edəcəyini bildirib.
NOCOMMENT.az “Forbes”ə istinadən xəbər verir ki, musiqiçi Donald Trampa görə namizədliyini Respublikaçılar Partiyasından irəli sürə bilmədiyni bildirib. O “Mən müstəqil namizəd kimi iştirak edəcəyəm, çünki Tramp var” fikirlərini söyləyib.
Dəfələrlə Donald Trampı dəstəkləyən bəyanatlar vermiş Kanye Uest prezidentliyə namizəd olmaq fikrinin ona rep bəstələyərkən gəldiyini qeyd edib. O hətta bu fikrini ilk dəfə 2015-ci ildə “MTV Video Vanguard” musiqi mükafatının təqdimat mərasimi zamanı açıq dilə gətirib.
