ABŞ və Avropa arasında Ukraynaya Amerika silahlarının tədarükü ilə bağlı danışıqlar “ləng” şəkildə aparılır.
NOCOMMENT.az xəbər verir ki, bu barədə Reuters agentliyi mənbələrə istinadən məlumat yayıb.
“Adı açıqlanmayan bir məmur bildirib ki, Tramp danışıqlarda birbaşa iştirak edir, baxmayaraq ki, danışıqlar hələlik ləng gedir”, — deyə nəşr qeyd edir.
Məlumata görə, Almaniyanın müdafiə naziri Boris Pistorius yaxın günlərdə və ya həftələrdə ABŞ ilə Ukraynaya Patriot zenit-raket komplekslərinin göndərilməsini müzakirə etməyə hazır olduğunu bildirib. Lakin nazir qeyd edib ki, Kiyevə heç bir Patriot sistemi bir neçə ay ərzində göndərilməyəcək və bu da, ehtimal ki, onların çatdırılmasını yay ayları kimi taktiki baxımdan mühüm dövrün sonuna qədər gecikdirəcək.
