Ukrayna Silahlı Qüvvələri (USQ) Kursk vilayətinin Rılsk şəhərindəki elektrik yarımstansiyasına hücum edib.
NOCOMMENT.az xəbər verir ki, bu barədə vilayətin müvəqqəti icra başçısı Aleksandr Xinşteyn Telegram kanalında məlumat verib.
“USQ-nin cinayətləri davam edir. Bu gün günorta düşmən pilotsuz aparatı Rılsk şəhərindəki ‘Rılsk 110 kV’ elektrik yarımstansiyasına hücum edib”, – deyə o bildirib.
Onun sözlərinə görə, zərbə nəticəsində naqil qırılıb və bu səbəbdən Rılsk, Qluşkov və Korenevo rayonlarının elektrik təchizatında nasazlıq yaranıb. Həmin ərazilər Rılsk yarımstansiyasından enerji alır.
Xinşteyn əlavə edib ki, qəza briqadaları bütün zədələri operativ şəkildə aradan qaldırıb. Hazırda elektrik təchizatı tam bərpa olunub.
