Ukraynada sülhə nail olmaq mürəkkəb və gərgin diplomatiya tələb edəcək.
NOCOMMENT.az xəbər verir ki, bunu ABŞ dövlət katibi Marko Rubio deyib.
ABŞ dövlət katibinin sözlərinə görə, Ukraynada sülhə nail olmaq o zaman mümkün olacaq ki, hər iki tərəf öz mövqelərini bir qədər yumşaltmağa razı olsun.
“Bunlar çətin və gərgin diplomatiya və müəyyən müddət ərzində qapalı otaqlar vasitəsilə baş verməli olan şeylərdir”, – deyə o vurğulayıb.
Fevralın 18-də Səudiyyə Ərəbistanının paytaxtında baş tutan Rusiya-ABŞ görüşü bir sıra iqtisadi layihələr üzrə əməkdaşlığın bərpasına, eləcə də Ukrayna nizamlanması üzrə mümkün təmasların hazırlanmasına və iki prezident arasında görüşlərin təşkilinə həsr olunub.
