Rusiya Finlandiya hökumətinə cavab olaraq 9 diplomatı ölkədən çıxarmaq qərarına gəlib.
NOCOMMENT.az xəbər verir ki, Rusiya Xarici İşlər Nazirliyindən verilən açıqlamada Moskva səfirliyi və Sankt-Peterburq Baş Konsulluğunda fəaliyyət göstərən 9 finlandiyalı diplomatın persona non-qrata elan edildiyi və deportasiya ediləcəyi bildirilib.
Bəyanatda həmçinin Finlandiyanın “qarşıdurma” siyasətinə cavab olaraq St. Sankt-Peterburq Baş Konsulluğunda fəaliyyətin dayandırılacağı da bildirilib.
Qeyd edək ki, Finlandiya iyunun 6-da Rusiyanın Helsinkidəki səfirliyində çalışan 9 rus diplomatını casusluq fəaliyyəti ilə məşğul olduqlarını əsas gətirərək ölkədən çıxarmaq qərarına gəlib.
NOCOMMENT.AZ
