NOCOMMENT.az Rusiya mətbuatına istinadən xəbər verir ki, Təhlükəsizlik Şurasının İnformasiya Siyasəti və Kütləvi İnformasiya Vasitələri ilə Əlaqələr Komissiyasının sədri Aleksey Puşkov bildirib ki, Avropa İttifaqı yalnız Rusiyaya qarşı sanksiya siyasətini sərtləşdirmək niyyətindədir. O, öz Telegram kanalında Aİ-nin 12-ci anti-Rusiya məhdudlaşdırıcı tədbirlər paketinin hazırlanması ilə bağlı məlumatı belə cavablandırıb.
“Gözümüzün qabağında yaradılan Qərbin Rusiyaya maksimum təzyiq sistemi uzun müddət üçün nəzərdə tutulub. Brüsseldə sanksiyaların səmərəsizliyi və ya aşağı effektivliyi onların ləğvi və ya yenidən baxılması üçün səbəb kimi deyil, əksinə, sərtləşdirilməsinin səbəbi kimi qəbul edilir. Qərb artıq Rusiya ilə “Böyük fasilə”yə nail olub. Avropa ilə münasibətlərin enerji bazası məhv edilib (bir-iki istisna nəzərə alınmır). Ticarət azalır: bu il üçün proqnoz 100 milyard dollardan azdır. Aİ-nin bir təşkilat olaraq Rusiyada və Rusiya ilə birlikdə xilas edəcək heç bir şeyi yoxdur”, – Puşkov yazıb.
O əlavə edib ki, Qərb elitaları, o cümlədən Avropa elitaları, Avropada oxşar səslərin olmasına baxmayaraq, Moskva ilə qarşıdurma istiqamətində kursun dəyişməsinə hər cür mane olacaqlar.
