Rusiya ərzaq məhsullarının tədarükü üzrə dünyanın aparıcı ixracatçılarından birinə çevrilib.
NOCOMMENT.az RİA Novosti- yə istinadən xəbər verir ki, belə məlumatları prezident Vladimir Putin Dövlət Şurasının Rəyasət Heyətinin ixracın inkişafı məsələsinə dair geniş iclasında təqdim edib.
Onun sözlərinə görə, bu nəticə mütəxəssislərin, əmək kollektivlərinin, inkişaf institutlarının və onlara dəstək verən orqanların xidmətləridir.
Bundan əvvəl Rusiya ununun ixracının 1,3 dəfədən çox artdığı bildirilirdi . “Aqroeksport”un məlumatına görə, 2024-cü ilin yanvar-avqust aylarında ölkə 830 min tondan çox un (buğda və buğda-çovdar) ixrac edib. 2030-cu ilə qədər bu idxalın həcminin 1,7 milyon tona qədər arta biləcəyi proqnozu var.
Həmçinin qeyd olunub ki, 2024-cü ilin sentyabr ayının sonuna Rusiya buğdasının ümumi ixrac həcmi, bu kənd təsərrüfatı məhsullarının Avrasiya İqtisadi İttifaqı ölkələrinə ixracı nəzərə alınmaqla, 5,5 milyon tona qədər arta bilər. Analitiklərin gözləntiləri özünü doğrultsa, nəticə ötən ilin sentyabrında müəyyən edilmiş maksimum səviyyəni təkrarlayacaq.
