Rusiyada bankların xalis mənfəəti avqustda iyul ayı ilə müqayisədə 42% artaraq 435 milyard rubl təşkil edib.
NOCOMMENT.az xəbər verir ki, bu barədə Rusiya Federasiyası Mərkəzi Bankı məlumat yayıb.
Bank mənfəətinin artımı avqustda rublun avro və dollara nisbətdə 7% və 5% ucuzlaşması, həmçinin yuanın dollar və avroya nisbətdə müvafiq olaraq 4 və 6% möhkəmlənməsi ilə əlaqələndirilir. Qeyd olunur ki, bank sektorunun əsas mənfəəti 264 milyard rubldan (ehtiyatlara töhfələrin 35 milyard rubl artması hesabına 257 milyard rubla qədər) azalıb. Eyni zamanda, bankların xalis faiz gəlirləri 26 milyard rubl artıb. .
Bütün qeyd olunanların fonunda gəlirli bankların sayı 250-dən 261-ə, bankların ümumi sayındakı payı isə 79%-dən təxminən 82%-ə yüksəlib.
2024-cü ilin mart ayında Rusiya Federasiyası Mərkəzi Bankının 2023-cü il üçün mənfəəti altı illik itkilərdən sonra 140 milyard rublu ötüb.
