Rusiya hava hücumundan müdafiə qüvvələri bir gecədə Rusiya regionları üzərində Ukrayna Silahlı Qüvvələrinə məxsus 34 pilotsuz uçan aparatı məhv edib.
NOCOMMENT.az xəbər verir ki, bu barədə Rusiya Müdafiə Nazirliyi məlumat yayıb.
Departamentin məlumatına görə, Kursk vilayəti üzərində 27, Lipetsk vilayəti üzərində dörd, Belqorod vilayəti üzərində iki, Oryol vilayəti ərazisi üzərində bir pilotsuz uçuş aparatı məhv edilib.
Daha əvvəl Kursk vilayətinin qubernatoru Aleksey Smirnov bildirib ki, Rusiya hava hücumundan müdafiə sistemləri Kursk vilayəti üzərində səmada iki Ukrayna raketini, həmçinin 27 pilotsuz uçuş aparatını məhv edib.
